Испанийн ЛА лигийн тавдугаар тойргийн тоглолтууд явагдлаа. Энэ тойрогт Эзэн хааны баг “Реал Мадрид” “Бетис”-ийг талбайдаа хүлээн авч 1:0-ээр ялагдлаа. Тоглолтын эхнээс Реал мадрид илүү довтолсон тоглолт үзүүлж Гарет Бейл, Роналдо нар аюултай довтолгоо хийж байсан ч “Бетис”-ийн хаалгагч ажлаа сайн хийж гоол алдаагүй. Улмаар тоглолтын үндсэн цаг хуурай тэнцээгээр өндөрлөж нэмэлт цагийн 93 дахь минутанд “Бетис”-ийн Парагвай довтлогч Санабриа мөргөж энэ тоглолтын хожлын гоолыг оруулсан байна. Энэ тоглолтод шүүгчийг түлхэж таван тоглолтод оролцох эрхээ хасуулаад байсан Дэлхийн шилдэг тамирчин Кристиан Роналдо буцаж ирсэн ч багтаа тусалж чадсангүй. “Реал Мадрид” энэ тоглолтод гоол оруулсан бол 73 тоглолт дарааллж гоол оруулсан дээд амжилтыг эвдэх байсан юм.
Ла лигийг таван тойргийн дараах байдлаар Барселона 15 оноотой, Севияа 13 оноотой, Атлетико мадрид 11 оноотойгоор тэргүүлж байгаа бол Реал Мадрид найман оноотой хүснэгтийн наймдугаарт бичигдэж байна.
.JPG)
