Сүхбаатар дүүргийн 19 дүгээр хороо Хуурай мухрын зуслангийн чиглэлд гал түймэр унтраах, аврах анги байгуулахаар барилгын ажлыг эхлүүлжээ.
Тус ажлыг Онцгой байдлын асуудал эрхэлсэн байгууллагын үүрэг гүйцэтгэх чадавхийг нэмэгдүүлэх, төрийн үйлчилгээг иргэдэд хүртээмжтэй, шуурхай хүргэх зорилгоор суурьшлын бүсүүдэд шинээр гал түймэр унтраах, аврах ангиудыг байгуулах ажлын хүрээнд эхлүүлсэн байна.
Тус ажлыг "Жи СИ Ай" ХХК хариуцан барилгын ажлыг гүйцэтгэж байгаа бөгөөд одоогоор гүйцэтгэл таван хувьтай явагдаж байгаа талаар нийслэлийн Онцгой байдлын газрын дарга, хурандаа Н.Нямхорлоо, Захиргааны удирдлагын хэлтсийн дарга, дэд хурандаа Б.Баттулга нар хэллээ. Гал түймэр унтраах, аврах шинэ ангийн барилга 2018 оны IV улиралд ашиглалтанд орох аж.
П.ДОСМАА