НИТХ-ын дарга Ц.Сандуй ажлаа өгснөөс хойш түүний оронд ажиллах хүнийг сонгохоор ИТХ-ыг хоёр удаа хурал товлосон ч нэгдсэн шийдэлд хүрсэнгүй. Өнгөрсөн сарын 22-нд болсон хурлаар НИТХ-ын даргыг сонгох ёстой байсан ч НИТХ-ын даргад нэр дэвшсэн С.Амарсайхан, Д.Баярсайхан нарын саналын тоо тэнцсэн тул НИТХ дахь МАН тав хоногийн завсарлага авсан юм.
Өнөөдөр НИТХ хуралдах байсан ч МАН-ын бүлгээс дахин долоо хоногийн завсарлага авах хүсэлт гаргалаа. Ингэснээр ирэх даваа гариг буюу 10-р сарын 9-ний 10:00 цаг хүртэл хуралдаан хойшлогдлоо. НИТХ-ын даргын асуудлаар МАН нэгдсэн байр суурьт хүрч чадаагүй учраас завсарлага авчээ.
Ц.БАТТУЯА
