.JPG)
Монголын үндэсний бөхийн холбоо шинэ журамтай болсон байна. Энэхүү журмаар бөхчүүдийн идэвхи, оролцох оролцоог сайжруулах зохицуулалт хийсэн гэж Үндэсний Бөхийн Холбооны удирдлага мэдэгдэж байна.
Бөхчүүд жилд барилдах ёстой 10 барилдааны 50 хувьд нь оролцоогүй бол Улсын наадамд барилдах эрхийг хасахаар журамд заажээ. Зөвхөн Улсын наадам төдийгүй Цагаан сарын барилдаанд оролцох эрхийг хасна гэж ҮБХ-ны тэргүүн Р.Нямдорж анхааруулж байна. Энэ журам нь бүх бөхчүүдэд, тэр дундаа өндөр цол зэрэгтэй аварга, дархан аваргад ч хамаарах юм байна. Ийм жишиг олон байгууллагад бий.
Тухайлбал, эрхээ 2 жил хасуулж, их теннисэндээ эргэж ирсэн Оросын алдарт теннисчин Мария Шарапова томоохон тэмцээнд хүслээрээ оролцох эрхгүй болсон жишээг дурдаж болно. Шараповагийн хувьд нээлттэй томоохон тэмцээнд оролцох эрхийг авахын тулд жижиг тэмцээнд оролцож, оноо цуглуулах шаардлагатай болсон байна. Монгол бөх дэлхийн жишигт нийцсэн шинэ журмыг баталж, ийнхүү мөрдөж эхэллээ.
Ц.ХИШИГЖАРГАЛ
