С.Зориг ахыг алсан захиалагчаас нь айгаад дөлөөд байна уу? Захиалагчийг нь огт ярихгүй байна. Бүхэл бүтэн улсын төр, цагдаа, шүүх, прокурор, тагнуул байна даа. Олох байх л л гэж горьдох юм гэдэг харуусалч гомдол хосолсон үгийг С.Зориг ахынхаа төрсөн өдрөөр Монголын төрд хаяглалаа, С.Оюун. "Монголын шүүх бүх шатандаа нэгдмэл тууштай ажиллалаа" гэж хэлсэн С.Оюуны үг анхаарал татлаа. - Би шүүхийн шийдвэрт эргэлзэж, итгэхгүй байна. "Илрүүлсэн, шүүсэн" гэх үгийг ч хашилтад хийж болох байх гэж тэр нэмж хэллээ.
Энэ бүхнээс нэг л гаргалгааг хийж болох нь. С.Зоригийн хэрэг гэх 18 жил хүлээсэн хавтаст хэргийг дээрээс зохион байгуулан хүчээр хаасан. Үүндээ шүүхийн бүх шатны шүүгчдийг нэг командаар ажиллуулсан гэж хэлсэнтэй агаар нэг сонсогдлоо. 19 жилийн тэртээ, төрсөн ах Зоригоо алдсан С.Оюун тэвчээр тэсвэр нь алдагдаж, аргаа барж цөхөрчээ.
Ц.ХИШИГЖАРГАЛ
