Өчигдөр буюу 4-ний УИХ-ын чуулганаар МУ-ын Ерөнхий сайдаар У.Хүрэлсүхийг баталсан. Шинэ ерөнхий сайдтай зэрэгцээд түүний байнгийн хороон дээр эмч, багш нарын цалинг нэмэхгүй гэж хэлсэнтэй холбогдуулан Эрүүл мэндийн үйлдвэрчний эвлэлийн хорооноос эсэргүүцлийн тайван жагсаал зохион байгуулсан. Тус жагсаалд 200 орчим эмч нар оролцсон байна.
Тэгвэл өнөөдөр эмч нарын төлөөлөл хэвлэлийн хурал зохион байгуулж, 15 мянга гаруй эмч, эмнэлгийн ажилчдын гарын үсэг бүхий 2 дахь шаардлагаа Ерөнхий сайдын ажлын албанд хүлээлгэн өглөө. Тус шаардлагад МАН-ын 2016 оны сонгуулийн мөрийн хөтөлбөрт тусгасны дагуу эрүүл мэндийн салбарыг улс төрөөс ангид байлгах, мэргэжлийн боловсон хүчин, удирдлагаар хангах, улираан томилохыг дараагийн байгуулагдах засгийн газраас шаардаж мэдэгдэл хийлээ.
Мөн тэд өнгөрсөн нэг жилд эрүүл мэндийн салбарт хийгдсэн өөрчлөлт шинэчлэлүүдийг дурдаж, тус ажлуудыг тасралтгүй үргэлжлүүлэхэд анхаарах, төрийн бодлогын залгамж халааг онцгойлон анхаарахыг хэлж байсан юм.
Ц.БАТТУЯА
