Зэрэг цолгүй тамирчдын дунд зохиодог "Сонирхогчдын Лиг"-д эрэгтэй 40, эмэгтэй 20 гаруй ширээний теннисчид бүртгүүлсэн байна.
Эрэгтэйчүүд 8, эмэгтэйчүүд 4 хэсэгт хуваагдаж, хэсэгтээ хоёр тойрог тоглож, өндөр оноотой 2 тамирчин нь аваргын төлөө тоглолтоо цааш нь үргэлжлүүлнэ. Тамирчдын түвшин тун ойролцоо нь тэмцээнийг улам өрсөлдөөнтэй, сонирхолтой болгодог гэж "Сонирхогчдын Лигийг" санаачлагч Б.Цэрэнтогтох онцоллоо. Тэмцээн гурван долоо хоног үргэлжилж, Монгол улсын тусгаар тогтнолын баяраар аваргаар тодруулах юм байна.
Энэ жилийн хувьд Баяржин, Сэр-Од, Энхэа нарын эрэгтэй тамирчид түрүүлэх магадлалтай бол эмэгтэйчүүдийн төрөлд Ариунтуяа охиныг багш нар нь онцолж байна. Тус тэмцээний эрэгтэйчүүдийн анхны аваргаар Энхбаяр, хоёр дахь жилд нь Лхагва-Эрдэнэ, харин эмэгтэйчүүдийн хувьд Болор, Мөнхнаран нар аваргалж байжээ.
.jpg)
Уг тэмцээнийг санаачлагч нь Шинэ эргэлт клубын багш Цэрэнтогтох, Баяраа нар юм байна. Энэ тэмцээнийг үзэж сонирхоё гэвэл, долоо хоног бүрийн Баасан гарагийн 18.00 цагаас, Ням гараг бүрийн өглөө 09.00 цагаас Ширээний Теннисний төв клуб болох "Оч" клубыг зориорой гэж зөвлөе. Тэмцээнд оролцсон бүх тамирчид байр эзэлдэг. Амжилтыг үндэслэж улсын 1,2,3-р зэргийн үнэхлэхийг МШТХ-ноос олгодог байна.
Э.ОТГОНЖАРГАЛ
