АНУ, Өрнөдийн ертөнц бусдадаа хэрхэн амьдрахыг заадаг, сургадаг үе дуусаж байгааг БНХАУ-ын Коммунист Намын Их Хурал илтгэж байна гэж олон улсын мэргэжилтнүүд санал нэгтэй дүгнэж байна. Цөөхөн улс хожиж, дэлхий нийт хохирдог бодлогыг Хятадууд тасаллаа гэж Оросын хэвлэлд бичиж байна.
.jpg)
Нээлттэй Хятад улсыг Си Зин зарлалаа. Хөгжлийнхээ ойрын 10 жилийн төлөвлөгөөгөө танилцуулав. Тэр хөгжлийн төлөвлөгөөгөө зөвхөн зарлан тунхаглах биш, гардан хийнэ гэдгээ ч илэрхийллээ. 89 сая гишүүнтэй ХКН авилгатай хийх тэмцлээ улам гүнзгийрүүлнэ. Улсын хөрөнгө мөнгө шамшигдуулсан, хилийн гадна хөрөнгөө байршуулж, өөрсдөө дүрвэж зайлсан эрх мэдэлтнүүдэд гишгэх газар олдохгүй гэдгийг тус Их Хурлаас тунхаглалаа.
Өнгөрсөн 4 жилд нам, төрийн өндөр албан тушаалтан 1 сая 400,000 хүнийг барьж хорьсон. Энэ бол Монголын нийн хүн амын талтай нь тэнцэхүйц тоо юм. Энэ тэмцлээ ч үргэлжлүүлнэ. Хятад улстай гэрээ хэлэлцээргүй улс орнуудтай ч харьцаагаа өргөжүүлнэ. Тиймээс авилгачдад нуугдах газар, орогнуулах улс орон байхгүй болно. Тэгснээрээ гэмт хэрэгтнүүд хилийн чанадад гарч, хариуцлагаас мултардаг байсан явдал түүх болж үлдэнэ гэж хуулийн байгууллагынхан итгэл төгс өгүүлж байна. -Хятад улс намаа цэвэр, удирдагчдаа өндөр суртахуунтай байлгах ёстой. Эс тэгэж чадваас нам ялзарна. Нам ялзарваас Хятад улс мөхнө гэж Хятадын Коммунист намын дарга, Хятад улсын дарга СиЖин Пин дарга тодотгож байна. Хятадын Коммунист Намын Их Хуралд дэлхийн олон орны удирдагчид урилгаар оролцож байна. Манайхан Засгаа байгуулах гээд очиж чадсангүй.
Ц.ХИШГЭЭ
