Монгол улсын ардын жүжигчин, зууны манлай морин хуурч Гомбодоржийн Жамъяан 1919 онд Дорнод аймгийн Булган сумын Туг уул хэмээх газар мэндэлсэн. Г.Жамъян хуурч 20 орчим дуу, 2 хөгжимт драмын жүжиг, 14 концертын бүжиг, 1 бүжгийн жүжгийн хөгжим, үндэсний болон европын төрөл бүрийн хөгжмийн зэмсэгт тохируулан бичсэн 50 гаруй зохиол, морин хуур хөгжмийн 2 сурах бичиг, 1 дуурь, 2 киноны хөгжим бичиж, дэлхийн 20 гаруй оронд өөрийн үндэсний урлагаа сурталчлан таниулсан шавхагдашгүй суу билиг, авьяаст хүмүүн юм.
Ийм учраас Дорнод аймгийн Булган сумын соёлын төвийг түүний нэрэмжит болгож цаашлаад Дорнод аймагт морин хуурчдыг бэлтгэх, морин хуурийг түгээн дэлгэрүүлэх үйлсийг үргэлжлүүлэх чиглэлээр олон ажил хийхээр төлөвлөсөн байна. Их хуурчийн охин Ж.Цэцгээ Монголын хамгийн нарийн сапрон хоолойтой дуучин харин хүү нь “Камертон” хамтлагийн ахлагч, Төрийн соёрхолт дуучин Д.Болд билээ.
А.ИЧИНХОРЛОО