Баян-Өлгий аймгийн Засаг дарга А.Гылымхан огцорсон гэх мэдээлэл цахим орчинд цацагдсан. Гэвч энэ мэдээлэл нь ор үндэсгүй, худал мэдээлэл болох нь тогтоогдлоо. Тус аймгийн ИТХ-ын дарга Д.Бауыржан, Засаг дарга А.Гылымхан нар ажлаа хэвийн явуулж байгаа юм байна.
Зарим иргэдийн мэдээлсэнээр аймгийн ИТХ-ын Ардчилсан намаас сонгогдсон төлөөлөгчидтэй Монгол ардын намын 4-5 төлөөлөгчид нэгдэн намаасаа урваж “Баян-Өлгий аймгийн Засаг дарга А.Гылымханыг огцруулах”, Баян-Өлгий аймгийн Засаг даргад Т.Серикжаныг нэр дэвшүүлэх тухай” тогтоолуудыг гаргасан гээд байгаа боловч уг шийдвэр нь одоогоор хаана байгаа нь тодорхой бус. Хэрвээ уг шийдвэр гарсан нь үнэн бол Монгол Улсын ЗЗНДНТУТ хуулийн 6-р заалтыг тус тус зөрчиж байгаа ажээ. Ямартай ч Баян-Өлгий аймгийн засаг дарга А.Гылымхан ажил үүргээ хэвийн гүйцэтгэж байна гэж Баян-өлгий аймгаас манай сэтгүүлч мэдээллээ.
Ц.ХИШГЭЭ