.jpg)
Манай дарга нар бусдын дарга нараас дутахгүй. Тэд хүн л юм хойно байгалийн үзэсгэлэнт газраар аялж, амардаг. Тэгэхдээ дэгээ ганц нэг дэгээ хаяж, цэцээ шалгах нь бий.
Манай хойд хөрш Путин морь унаж, онгоц барьж, усанд сэлж, загас агнах дуртай. Түүнийгээ ч нуудаггүй. Тиймээс Путины загас агнаж буй зураг дэлхий нийтэд цацагдсан байдаг. Манай дарга нарын хувьд анд явж байна, загас барьж байна гэх аман мэдээллээс хэтэрдэггүй. Багабанди ерөнхийлөгч, түүний тамгын газрын дарга С.Баяр нар том загасчид гэдгийг монголчууд мэднэ. Гэхдээ тэд ан хийхдээ Монголын хамгийн үзэсгэлэнтэй, ан амьтдаар хамгийн баян, хамгийн зэлүүд газрыг сонгосон байдаг. Путинээс ялгаатай нь манай дарга нар сэм ан гөрөө хийх дуртай.
Саяхан Ц.Элбэгдорж ерөнхийлөгч Хөвсгөл нутгаар загасчилж, ан гөрөө хийж байгаад буцсан мэдээллийг орон нутгаас ирүүллээ. Түүнийг очиход нь нутгийн байгаль хамгаалагчид тосож авч, үйлчилсэн байна. Турбо завиар Эгийн голоор зугаацаж, загас жараахай эргүүлэхийн зэрэгцээ голын эргээр нисэх галуу шувууг ч зүгээр орхиогүй гэж нутгийн иргэд хөөрч байна. Түүний завь, загасны хэрэглэл, буу нь сэлт нь газарчдын хорхойг нь хүргэсэн гэнэ. Турбо завь бол хуучин нь 5000 өгсүүлээд дундчаар 25,000 ам.долларын үнэтэй байдаг юм байна. Монгол улсын ерөнхийлөгч Ц.Элбэгдорж турбо завь хөлөглөгч анхны загасчнаар тодорсон байна.
Иргэдийн мэдээлэлд тулгуурлаж бичсэн Э.МАНДАХ
