Дорноговь аймгийн АН-ын хорооны гишүүд хуралдаж намын дарга П.Ганхуягийг огцруулсан байна. Дүрмийн дагуу намын хорооны гишүүдийн 30 хувь нь даргыгаа огцруулах шаардлагад гарын үсэг зурсан тус хуралд төвөөс АН-ын дарга С.Эрдэнэ, намын ерөнхий нарийн бичгийн дарга Туваан нар ч урилгаар оролцсон байна. Тус хурлаар намын даргыг огцруулж, үүрэг гүйцэтгэгчийг шалгаруулан томилсон байна. Нийт гишүүдийн 80 орчим хувийн саналын дэмжлэг авсан Гантулгыг Дорноговь аймгийн намын хорооны даргын үүрэг гүйцэтгэгчээр томилсон байна. Энэ оны төгсгөлд Намын хорооны албан ёсны сонгууль болно гэж АН-аас мэдэгдлээ. Гантулга нь АН-аас сонгогдсон цорын ганц иргэдийн хурлын гишүүн юм. Тэрбээр өмнө нь Намын даргаар ажиллаж байсан туршлагатай гэж гишүүд нь дэмжсэн байна.
Ц.ХИШГЭЭ
