СХД-ийн 32 дугаар хорооны нутаг дэвсгэрт байрлах “Улаанбаатар усан цэнэгт цахилгаан станц” ХХК-д нь Зөрчил шалган шийдвэрлэх тухай хуулийн дагуу зөрчлийн хэрэг үүсгэн шалгалаа.
Тус компани нь ашигт малтмалын тусгай зөвшөөрөлгүй олборлолтын үйл ажиллагаа явуулсан нь баримт, зөрчил шалгах ажиллагаагаар нотлогдон, Монгол Улсын Зөрчлийн тухай хуулийн холбогдох заалтын дагуу торгууль ногдуулан, олборлож, тээвэрлэсэн хайрганд нөхөн төлбөрийн арга хэмжээ авч, Зөрчил шалган шийдвэрлэх тухай хуулийн 7.4 дүгээр зүйлийн дагуу зөрчлийн үр дагаварыг арилгуулахаар тусгай зөвшөөрөл авах хүртэл үйл ажиллагааг зогсоохоор шийдвэрлэлээ.
Иймд хууль бусаар түгээмэл тархацтай ашигт малтмал болох элс, хайрга, дайргыг тусгай зөвшөөрөлгүй олборлож, ашиглахгүй байхыг нийт иргэд, аж ахуйн нэгжүүдэд анхааруулж байна.
ЭХ СУРВАЛЖ:НМХГ
