Монгол бол гайхалтай орон. Агуу түүхтэй ард түмэн. Монголчууд бусдаас тусламж гуйх, өөрсдийгээ ядуу дорой гэж үзэх үзэл бодлоосоо салаасай гэж би бодож байна. Түүхээ, уламжлалаа саная. Аж байдлын чанартай өдөр тутмын ажил үйлээсээ өөрсдийгээ холдуулж, эргэн тойрноо нэг ажаасай. Өөртөө орон зай бий болгоод "Бид чинь хэн байлаа. Хэн болчихов. Цаашид хэн байх билээ? гэдгээ нэг сайтар тунгаах цаг ирсэн мэт санагдлаа. Миний хувьд монголчууд баян түүхтэй, бахархалтай хүмүүс. Зүгээр нэг гомдоллоод суух биш, хувь заяандаа эзэн болох ёстой хүмүүс. Би тэгээсэй ч гэж хүсэж байна. Мөн бурхан шашны хувьд ч алс ирээдүйгээ зөв тодорхойлох болсон гэдэгтэй санал нэгдэж байна. Зөвхөн Монголчуудад энэ асуудал тулгараад байгаа юм биш. Америкчууд бид нар ч өөрсдөөсөө "Бид нар чинь хэн бэ?" асуултыг тавьж эхэлсэн. Өмнө нь бид бусдын төлөө санаа тавьдаг бодлого баримталдаг байсан. Трамп гарч ирснээр "Америкчуудын эрх ашгийг нэгдүгээрт тавина, америк хүнээ л, улсаа л бодно гэдэг амин хувиа бодсон бодлогыг дэвшүүлсэн. Тиймээс бид ч бас бодож, тунгаах цаг мөчтэй тулгарсан гэж Монголын урлаг, соёл, улс төрийн цөөн хүрээний төлөөлөгчтэй уулзахдаа онцоллоо. Дөрөв дэх удаагаа Монголыг зорин ирсэн Ричард Гир Монголчуудтай хамтран буддын шашны тухай уран сайхны кино хийх бодолтой ирснээ нуухгүй байна.
Ц.ХИШГЭЭ