МОНГОЛЫН АНХНЫ ХУВИЙН БИРЖ АРИЛЖААНЫ ХОНХ ЦОХИЛОО

2017-12-04  

Санхүүгийн зохицуулах хорооны дарга С.Даваасүрэн өнөөдөр “Монголын үнэт цаасны бирж” ХК-ийн арилжааг эхлүүлж хонх цохилоо.

Хороо үнэт цаасны арилжаа эрхлэх болон төлбөр тооцооны байгууллагуудын өрсөлдөх чадварыг дээшлүүлэх, хөрөнгийн зах зээлийн дэд бүтцийн салбарт чөлөөт өрсөлдөөнийг дэмжих бодлого баримтлан ажиллаж байна. Энэ бодлогын үүднээс анхны хувийн хэвшлийн арилжаа эрхлэгч “Монголын Үнэт цаасны бирж” ХХК-д 2015 онд тусгай зөвшөөрөл олгосон юм.

Тус биржээр компанийнхаа үнэт цаасыг гаргах хүсэлтийг “Анд Энерги” ХХК-иас ирүүлсний дагуу Хороо энэ оны 10 дугаар сарын хуралдаанаар дэмжин шийдвэрлэж, нэг бүр нь 1.0 төгрөгийн нэрлэсэн үнэ бүхий 78,1 сая ширхэг энгийн хувьцааг үнэт цаасны бүртгэлд бүртгээд, үүний 66 хувийг нийтэд санал болгон худалдахыг зөвшөөрсөн юм. Энэ шийдвэрийг дагуу “Монголын Үнэт цаасны бирж” ХХК анхны арилжаагаа гүйцэтгэж, 1.6 тэрбум төгрөгийн санхүүжилт босгохоор төлөвлөснөөс уг захиалга 186 хувиар давж, амжилттай биелээд байгаа төдийгүй өнгөрөгч 11 дүгээр сарын 10-наас хувьцааны хоёрдогч зах зээлийн арилжааг эхлүүлээд байна.

Анхны бөгөөд хариуцлагатай арилжаагаа амжилттай биелүүлсний дараа нээлтээ хийж, хонх цохиж буй тус биржийн хамт олонд Хорооны дарга С.Даваасүрэн амжилт хүсээд, алдаа эндэл гаргаж, хөрөнгийн зах зээлд итгэх олон нийтийн, хэрэглэгчид, хөрөнгө оруулагчдын итгэлийг алдах, эрүүл өрсөлдөөн бий болгож зах зээлийг зохистой хөгжүүлэх төрийн бодлогыг хөсөрдүүлэх эрхгүйг нь анхаарууллаа.

Арилжааны нээлтийн ёслолд Хорооны орон тооны гишүүн бөгөөд дэд дарга Д.Баярсайхан, МҮХАҮТ-ийн удирдах зөвлөлийн дарга бөгөөд ерөнхийлөгч Б.Лхагважав, Хорооны Ажлын албаны дарга Т.Жамбаажамц, “Анд энерги” ХК-ийн гүйцэтгэх захирал Ц.Гүррагчаа болон албаны бусад хүмүүс оролцлоо.

 

 

Эх сурвалж : Frc.mn

 

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Сэтгэгдэл
АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна
Төстэй мэдээ
Шинэ мэдээ
Санал асуулга
ГАДААД УЛСЫН АЖИЛЧИДАД ХЯЗГААР ТОГТООХГҮЙГ ТА ДЭМЖИЖ БАЙНА УУ?