Хүн худалдаалах гэмт хэрэг бол
Бэлгийн мөжлөг
Хөдөлмөрийн мөлжлөг
Боолчлол
Эд эрхтний худалдаа... гэх зэрэг олон төрлөөр зохион байгуулалттайгаар, далд хэлбэрээр үйлдэгддэг гэмт хэрэг юм.
Монгол улсын хувьд "бэлгийн мөлжлөг"-ийн хэлбэр зонхилж байгаа бөгөөд "хөдөлмөрийн мөлжлөг"-ийн төрөл ч үйлдэгдэж болзошгүй нөхцөлтэй байгааг цагдаагийн байгууллагаас тогтоожээ.
.JPG)
Эрүүгийн цагдаагийн газрын Зохион байгуулалттай гэмт бүлэг, Хүн худалдаалах гэмт хэрэгтэй тэмцэх хэлтсийнхний мэдээлж байгаагаар зөвхөн 2017 онд гудамж талбайд, саун массажны чиглэлээр үйл ажиллагаа явуулах нэрээр хүн худалдаалах гэмт хэрэг үйлдэж байсан 50 холбогдогчтой 42 хэргийг илрүүлжээ. Эдгээрээс 9 хэрэг нь гадаад улсад буюу Зүүн өмнөд Азийн улс орнуудад үйлдэгджээ.
Дээрх хэргүүдэд нийт 130 эмэгтэй бэлгийн мөлжлөгийн хохирогч босон байна.
Хохирогч болсон эмэгтэйчүүдийн
80% нь 18-39 нас
20% нь 16-18 насныхан байна. Насанд хүрээгүй охид бэлгийн мөлжлөгт хамрагдаж байгаа гол шалтгаан нь ар гэрийнхний анхаарал халамж сул байдлаас болж байгаа бол саун массажны газруудад бэлгийн мөлжлөгийн хохирогч болж байгаа эмэгтэйчүүд нь хэн нэгний хүчинд автаж, эмзэг байдлаараа тухайн хүний эрхшээлд орж байгааг ч тогтоожээ.
С.ШҮРЭНЧИМЭГ
