.jpg)
Монгол улсын 4 дэх ерөнхийлөгч Ц.Элбэгдоржийн сүүлчийн томилгоог Х.Баттулга хүчингүйд тооцсон албан тоотыг Монгол улсын ерөнхий сайд У.Хүрэлсүхэд хаяглан илгээгээд 2 хонож байна. Тэрбээр албан тоотдоо Канад, АНУ, Япон улсад томилогдсон элчин сайд Чингүүндарь, Отгонбаяр, Тэнгэр нарыг томилохоос татгалзаж буйгаа илэрхийлж, шинэ нэрс оруулж ирэхийг У.Хүрэлсүхэд даалгалаа. Түүний энэхүү үйлдэл нь ерөнхийлөгч Х.Баттулга АН-ын угшилтай сайд нарыг томилон явуулсан хэрнээ МАН-ын харьяалал бүхий л сайд нарыг хагас жил хэртэй уялаа гэх хэл амыг дагуулж байна.
Ямар ч гэсэн Элбэгдоржийн болон УИХ-ын гаргасан шийдвэрийг Х.Баттулга таслан зогсоож, шинэ нэр шаардаж байна. Дээр нь Англи улсад сууж буй элчин сайд С.Баяр өргөдлөө өгсөн тул түүний орны хүнийг ч яаралтай санал болгохыг Х.Баттулга яаравчлав.
Ийнхүү стратегийн ач холбогдол АНУ, Япон, Англи, Канад зэрэг оронд томилгоо хийх асуудлыг Баттулга гартаа авч чадлаа. Харин хэн хэнийг томилуулахыг М.Энхболд биш, У.Хүрэлсүх санал болгох болов. Ойрын эх сурвалжаас Японд суух элчин сайдын нэр усанд Дагвадорж аваргын нэр дээгүүр дуулдах болжээ. Японд нэр алдартай, япон хэл устай, соёлыг нь сайн мэдэх, танилын хүрээ өргөн, нөлөө ихтэй зэрэг нь ямар ч дипломатчаас илүү үүрэг гүйцэтгэж чадна гэж үзэж байна. Ялангуяа зуны олимпийн их наадмын өмнө түүнийг томилох нь маш зөв шийдвэр байх болно ч гэж үзэх хүмүүсийн тоо харьцангуй өндөр байна.
Ийнхүү Аса Дагвадоржийг Япон улсыг хариуцсан биет төлөөлөгчөөр томилсон шийдвэр нь эцсийн цэгээ олж хатгахад ойртжээ.
Ц.ХИШГЭЭ
