Шилжилт хөдөлгөөнийг хориглосон шийдэмгий шийдвэрийг нийслэлийн засаг дарга бөгөөд Улаабаатар хотын дарга Су.Батболд гаргасныг оны онцлох, шийдмэг, хариуцлагатай шийдвэр гэж PEOPLE of Mongolia сэтгүүл, сэтгүүлийн уншигчид нэрлэсэн байна.
-Хот руу шилжих хөдөлгөөнийг хориглосноор 2017 онд 6000 яндан нэмэгдэх үйлдлийг таслан зогсоосон. Энэ хэмжээгээр утаа нэмэгдэж байсан. Хөдөө орон нутгаас жилд 30 мянган хүн нийслэлд шинээр суурьшдаг хөдөлгөөнийг ч хаасан. Тэгснээрээ хотын ажилгүйдэл, түгжрэлийг ч нэмэгдүүлхгүй байх хариуцлагатай шийдмэг шийдвэр гаргасныг сэтгүүлийн зүгээс онцлов.
Мөн хотын ирээдүйн хөгжил, иргэдийн эрх ашигт нийцсэн Улаанбаатар хотын бүсийг татсан нь эдийн засгийн болоод хөгжлийн ач холбогдолтой шийдвэр болжээ. Хотын бүсийг татсанаар хотын гадна гэрээ барьчихаад цахилгаан, ус, нийтийн тээвэр шаардаад суудаг асуудалд ч нэгмөсөн цэг хатгажээ. Ямар ч гэсэн хотын дарга Су.Батболд өмнөх дарга нарын зориглоогүй шийдмэг шийдвэрийг гаргаснаараа хотын иргэдийн талархлыг хүлээлээ.
Ц.ХИШГЭЭ
