ТОСК буюу Төрийн Орон Сууцны Корпорацийн захирал асан А.Гантулгын мөрдөн байцаалт хоёр он дамнан үргэлжилж байна. А.Гантулгад албан тушаалаа урвуулан ашигласан гэх хавтаст хэргийг нээсэн. Тэрбээр хувийн барилгын компанийн барилгыг дур мэдэн ТОСК-д авч, түрээсийн гэрээ байгуулснаас үүдэн шалгагдаж буй. Гэхдээ авилга авсан байх магадлалтайг хуулийнхан зах зухаас нь тогтоогоод байна.
Тухайлбал Бэрэн компаниас А.Гантулгын хүүгийн сургалтын төлбөрт 12000 ам.доллар шилжүүлснийг олж тогтоон шалгаж эхэлжээ. Мөн түүнтэй зэрэгцээд хувийн хэвшлийн барилгын компанийн барьсан олон зуун орон сууцыг ТОСК-аар дамжуулан шийдвэрлэсэн тухайн үеийн Барилгын сайд З.Баянсэлэнгэд ч хэрэг үүсгэн шалгаж эхэлсэн байна.
С.ШҮРЭНЧИМЭГ
