Өнөө өглөө хэд хэдэн шатахуун түгээх станцаар орж шатахууны үнэ нэмэгдсэн эсэхийг лавлахаар очтол Петровис шатахуун түгээх станцууд тог байхгүй гэсэн шалтгаанаар шатахуун өгөх боломжгүй гэлээ. Улмаар цааш явтал зарим түгээх газрууд үнэ тавиагүй дээр шатахуун өгөхгүй гэсэн тайлбарыг өгсөн юм.
Петровис, М-Ойл зэрэг шатахуун түгээх станцын зарим салбарууд “Шатахуун зарахгүй” гэсэн хаалтыг гаднаа тавьсан байлаа.
Тэгвэл Сод Монгол шатахуун түгээх станцын хувьд зөвхөн өөрсдийн карттай иргэдэд үйлчилж байна гэсэн тайлбарыг өгсөн юм.
Ямартай ч шатахууны үнэ нэмэгдэх нь тодорхой болоод байгаа бөгөөд шатахуун түгээх станцууд хомсдол үүсгээд байна.
Ц.ХИШГЭЭ