Шатахуун түгээх компаниуд төр засгийг шантаажилж байна. Тэд үнээ нэмэх оролдлогоо орхихгүй байна. Хэдийгээр 95, евро 95 зэрэг тансаг бензиний үнийг нэмсэн, бусдыг нь огт нэмээгүй гэж тайлбарлаж буй ч амьдрал дээр 92-оо огт зарахгүй байна. Ард иргэд үнэ нь нэмэгдсэн 95-ийг машиндаа шахахаас өөр аргагүйд хүрчээ.
Үнэ нэмж болохгүй гэх Засгийн газрын шахалт, үнэ нэмээгүй гэх шатахуун импортлогч компаниудын хөлд ард иргэд ийнхүү "чирэгдэж" байна. Ёстой л "Зэрэг нэмэхийн өмнөхөн" УСК-ны Долдойн эргүүлж тойруулж үзүүлэх еэвэнгийн нэг тал гэдэг үлгэрийг сануулж байна. Инээх хэцүү, ханиах бэрх байна гэж иргэд ярьж байна.
-Ард иргэд гэж хэн байдаг юм? Бидний цөөн хүнийг баяжиж хөрөнгөжчихнө гэж айж байгаа юм уу? гэж Петровисийн хатан хаан Оюунгэрэлийн хэлсэн үг иргэдийн дургүйцлийг төрүүлэв. Тэр баяжсан, хөрөнгөжсөн. Дээр нь бас ард иргэдээ улам мөлжих хүсэлтэйгээ ийнхүү илэрхийлэв.
Ц.ХИШГЭЭ