.JPG)
Найз Петертээ хөл залгуулах ганц морь өгчих гэсний хариуд ийм хариуг Итгэлт баянаас Эрдэнэ сонсдог хэсэг "Тунгалаг Тамир" УСК- нд бий. Монгол улс, монголын иргэд ийм эмгэнэлтэй, өрөвдөлтэй хэмжээнд очлоо гэж үү. Мал сүргийг нь өсгөнө, үржүүлнэ, нэгийг ч өөртөө авчих эрх мэдэлгүй.
Улс маань Валютын сангийн мэдэлд бүрэн шилжлээ. Түүний заавраар л хөдөлж байна.
Хамгийн сүүлчийн жишээ гэхэд л ерөнхий сайд Хүрэлсүх Солонгос улсад айлчилж, гуйлгаа л баталгаажууллаа. Гэрээнд дурдсан тэр мөнгөө шаардлагатай салбартаа дур мэдэн зарцуулах мэдэлгүй сууна. Ийм л нэг Эрдэнэ болжээ, ерөнхий сайд Хүрэлсүх маань.
Энэ зуур Монголын иргэдийн тархийг угаах "сайхан" гэх мэдээ цацагдаж л байна. Тэр нь Монгол улс бүрэн эрх чөлөөтэй орон гэдэг "пайз" зүүх ажиллагаа. Дэлхийн улс орныг иргэдийн эрх чөлөө, улс төрийн чөлөөт сонголтоор нь чөлөөтэй, хагас чөлөөтэй, чөлөөгүй гэж 3 ангилдаг аж. 50 улс орон огт чөлөөгүй, 48 орон хагас чөлөөтэй, 88 улс орон бүрэн эрх чөлөөтэй гэж уг тайланд дурдаад Монголыг Грекийн хамт бүрэн чөлөөтэй орноор зарласан байна. Монгол улс 100 онооноос 85-ыг авч АНУ, Польш зэрэг өндөр хөгжилтэй улстай зэрэгцжээ. Үзүүлэлтээрээ АНУ-тай зэрэгцсэн гээд "тайвширчих".
Харин манай хойд, урд хөрш дөнгөж 20, 14 оноо цуглуулжээ. Биднээс 65-69 оноогоор дутжээ. Тэгтэл биднээс доогуур бичигдсэн тэр улс орнууд эдийн засгийн superpower гүрэн болсон болсон. Гэтэл бидэнтэй адил "эрх чөлөөтэй" гэж зарлуулсан Грек гэхэд л жилийн өмнө өр ширэнд баригдаж, газар нутгаа алдах дөхөж байсныг санахад илүүдэхгүй. Байдал ийм л байна.
Тэгэхээр хоосон эрх чөлөө гэдэг үгэнд баярлах хэрэггүй ажээ. Монгол улс тэр чигээрээ ядарсан найздаа хөл залгуулчих ганц морь аваад өгчих эрх мэдэлгүй Эрдэнэ шиг болоо юу даа.
Ц.ЭНХБАТ
