НИТХ-ын төлөөлөгч Ц.Одонтунгалагийн санаачилгаар зохион байгуулж буй “Хүүхдэд ээлтэй хот” хэлэлцүүлэг яг одоо Хангарди ордонд боллоо.
Нийслэлийн хэмжээнд хүүхдийн нөхцөл байдал ямар байгаа талаар нэгдсэн ойлголт, мэдээлэлтэй болох зорилготой уг хэлэлцүүлэгт Нийслэл дүүргийн ИТХ-ын төлөөлөгчид болон иргэдийн төлөөлөл оролцсон юм.
Нийслэлийн хүүхэд гэр бүл, хөгжлийн газар, Нийслэлийн боловсролын газар, Нийслэлийн эрүүл мэндийн газар, Нийслэлийн цагдаагийн газар, Нийслэлийн онцгой байдлын газар, Монголын зуслангуудын холбоо, Монголын хүүхдийн ордон зэрэг байгууллагууд хүүхэдтэй холбоотой асуудлаар илтгэл хэлэлцүүллээ.
Хэлэлцүүлгийг Хүүхэд, гэр бүл хөгжлийн газрын өгсөн мэдээллээр эхлүүлсэн юм. Тус газрын мэдээлснээр улсын хэмжээнд 0-18 хүртэлх насны 1,127,179 хүүхэд байна. Үүнээс 476,165 хүүхэд буюу 42.2 хувь нь нийслэл Улаанбаатар хотод амьдарч байна. Энэ нь нийслэлийн нийт хүн амын 34.48 хувийг эзэлж байна.
Үүнд:
Одоогоор Монголын зуслангуудын холбоо мэдээлэл хийж байна. 2017 онд зуслангуудын төсвийг зогсоосон, мэргэжлийн бус хүн удирдаж байгаа зэрэг хүндрэл гарч эхэлсэн зэрэг хүндрэл байгаа. Гэхдээ зуслангуудын хөтөлбөрийг сайжруулах алхам хийх замаар үйл ажиллагаагаа хөгжүүлэхээр төлөвлөн ажиллаж байгааг танилцуулсан юм. Мөн хүүхдийн хамгааллыг хөндөж ярьдаг ч хөгжлийн асуудлыг хөнддөггүйг илтгэгч дурдаж байлаа.
Ц.ХИШГЭЭ
