Энэ засаг тогтох тухай асуудалд цэг хатгажээ. Харин хэзээ унах вэ? гэдэг асуудлыг хэлэлцэж байна. Дараагийн ерөнхий сайдын нэр ч дуулдаж байна. Ө. Энхтүвшин, Ж.Энхбаяр, М. Энхболд гээд л зарим нэг нэрс захаасаа ил гарч байна. М.Энхболд намаа ч, Засгаа ч эргүүлэн авах тухай санаж буй гэх мэдээлэл хэсүүчилж эхэллээ.
Их санасан газарт есөн шөнө хоосон гэгч нь Хүрэлсүхийн Засгийн газарт хамаарч байна. Шийдвэртэй, дайчин, хэлсэн ярьсандаа, тууштай гэх бүх тодотголоо богинохон хугацаанд Хүрэлсүх гээлээ. Тэр өнөөдөр шийдвэр гаргаж, маргааш буцсаар. Нэг тийм будилуу, мунгинуу, буцамтгай, бас амиа хоохойлсон арчаа муутай хүний дүр төрхийг өөртөө бий болголоо. Ойд төөрсөн "сармагчин" гэдэг шиг юу ч хийхээ мэдэхээ больсныг нийгмээрээ анзаарчээ.
Тэр эрх мэдэл, суудлын төлөө намынхаа эрх ашгийг ч уландаа гишгэж чадсан гэж журмын нөхөд нь шүүмжилдэг. Тэгвэл тэр одоо олон нийтийн итгэлийг алджээ. Түүний суудлаасаа буух цаг нь гүйж эхэлсний дохио нь энэ хаврын цуглаан жагсаал болох нь.
Ц.ХИШГЭЭ
