.JPG)
Монгол Улсын ерөнхийлөгч бол Зэвсэгт хүчний ерөнхий командлагч байдаг. Гэвч түүний энэ эрхийг Үндсэн Хуулийн Цэц түдгэлзүүллээ. Ингэснээр Монгол улс цэргийн командлагчгүй боллоо.
Асуудлыг тодруулбал:
Үндсэн хуулийн цэц 1-р сарын 31-ний өдрийн Дунд суудлын хуралдаанаараа "Монгол Улсын батлан хамгаалах тухай хуулийн зарим заалт Үндсэн хууль зөрчсөн эсэх" асуудлыг хянан хэлэлцээд Монгол Улсын ерөнхийлөгч Зэвсэгт хүчний ерөнхий компандлагч байх нь Үндсэн хууль зөрчсөн гэж үзсэн байх юм.
Монгол Улсын батлан хамгаалах тухай хуулийн 12.1.5-д
“Дайн бүхий байдал, дайны байдал зарласан тохиолдолд Монгол Улсын зэвсэгт хүчний ерөнхий командлагчийн хэрэгжүүлэх бүрэн эрхийг хуулиар тогтооно” гэсэн заалт байдаг бөгөөд энэ нь УИХ-ын хууль тогтоох эрхэд халдсан гэж ҮХЦ үзжээ.
Гэвч,
Уг заалт нь УИХ-ын хууль тогтоох эрхэд ямар ч байдлаар халдаагүй буюу "дайн бүхий байдал, дайны байдал зарласан үед УИХ, Ерөнхийлөгч буюу Зэвсэгт хүчний ерөнхий командлагчийн хэрэгжүүлэх эрхийг хууль гаргаж тогтоож өгнө" гэж зүйлчилсэн байдаг. Өөрөөр хэлбэл, Ерөнхийлөгч буюу Ерөнхий командлагчийн эрхийг хуулиар хязгаарласан хэрэг.
Харамсалтай нь ҮХЦ хэт нэг талыг барьж Монгол Улсын ерөнхийлөгч Зэвсэгт хүчний ерөнхий компандлагч байх эрхийг ийнхүү түдгэлзүүллээ.
Энэ бол ерөнхийлөгчийн эрхийг хязгаарлах гэсэн УИХ, ҮХЦ хоёрын хуувилдаан гэж зарим иргэд хардаж байна.
Ийнхүү 1-р сарын 31-нээс эхлэн манай улс Зэвсэгт хүчний ерөнхий командлагчгүй болж хэн энэ албыг хаших нь тодорхойгүй үлдлээ.
