Ардчилсан, хүнлэг нийгмийн тулгуур гурван зарчмын нэг нь үг хэлэх, хэвлэн нийтлэх, үзэл бодлоо чөлөөтэй илэрхийлэхэд оршдог. Энэ соёлыг нэвтрүүлэх, сэтгүүлчдийн мэргэжлийн ур чадварыг дээшлүүлэхэд үнэтэй хувь нэмэр оруулсан Монголын Хэвлэлийн Хүрээлэн 20 насны ойгоо нижгэр тэмдэглэлээ. Хүндэтгэл үзүүлэхээр уригдан ирсэн хүндэт зочны нэг, тухайн үеийн ерөнхий сайд асан, УИХ-ын гишүүн Р.Амаржаргал: Тухайн үед Монгол улсын эдийн засаг амаргүй байсан. Иргэдээ идэх талхаар хангахад бэрх байсан ч, нийгмээ нэг өдөр ч гэсэн сонин хэвлэлээр таслахгүй байх нь чухал байлаа. Чөлөөт, хараат бус бие даасан хэвлэлийг дэмжиж, миний удирдаж байсан засгийн газраас шийдвэр гаргаж, Монголын Хэвлэлийн Хүрээлэн, "Монголын Чөлөөт Хэвлэл" хэвлэлийн үйлдвэрт барилгыг нь үнэ төлбөргүй шилжүүлсэн."
Ц. ЦЭНД
