Хамгийн цаана суугаа эрхэм бол зохиолч, сэтгүүлч Ц.Нацагдорж. Соёлын гавьяатан энэ эрхэм бас зурдаг. Ц.Нацагдорж Монголын хэвлэлийн Хүрээлэнгийн эмблемийг зохиосон түүхтэй. Түүний наанаа суугаа Рагчаасүрэнг Дарханыхан андахгүй. Дарханы 50 жилийн ойгоор МУ-ын Соёлын гавьяат зүтгэлтэн цолоор шагнуулсан. Насаараа хэвлэл мэдээлэлд зүтгэж байгаа гавьяатай. Хэвлэлийн Хүрээлэнгээс 6 бүсэд мэдээлэл, судалгаа, сургалтын төвийг байгуулахад Дарханд байрлах хойд бүсийн захирлаар томилогдсон. Орон нутагт чөлөөт хэвлэлийг хөгжүүлэхэд үнэтэй хувь нэмэр оруулж буй сэхээтэн. Түүний наана суух, шавилхан биетэй нэгнийг Пүрэвдорж гэдэг санж. МХХ-ийн анхны нягтлан бодогч, 15 жилийн ойгоороо алтан гадас одонгоор энгэр цоолжээ. Маш хөдөлмөрч, бүтээлчээс гадна ном бичдэг, бичгийн хүн гэж нөхөд нь үнэлдэг.
Ц. ЦЭНД
