УИХ-ын гишүүн Х.Баттулгын туслах асан Г.Түвшинжаргал ШШГЕГ-ын харьяа хорих 461 дүгээр ангид саатуулагдаад буй. Тэрээр энэ сарын 25-ны өдөр Монгол Улсын Ерөнхийлөгчид хандан өргөдөл бичжээ. ШШГЕГ-ынхан цагдан хорих ангиас гар бичмэл гаргахгүй гэсэн учраас өмгөөлөгчөөрөө бичүүлж, өөрөө гарын үсгээ зурсан байна. Өмнө нь тэрээр өөрт нь тулгаж байгаа зүйл заалтууд болон цагдан хорьж буй үйл ажиллагааг хүлээн зөвшөөрөхгүй байгаагаа мэдэгдэн, амь нас, эрүүл мэндээрээ дэнчин тавьж батлан даалтад гарах хүртэл хугацаагаар өлсгөлөн зарлаж байгаагаа мэдэгдэн ШШГЕГ-ын удирдлагуудад хандан өргөдөл хүргүүлээд байсан юм.
А.САЯН