Хайрт хань, халамжит ээж, хайр хүргэм дүү, халуун дотноор угтдаг хамт олондоо гэнэтийн бэлэг бэлдэж, баярыг нь хуваалцахаар зэхэж байгаа залууст дуулгах нэгэн таатай мэдээ байна.
"Түгээмэл шуурхай шуудан” ХХК-ийн гурав дахь жилдээ зохион байгуулж байгаа "Хайрын гүүр хайрын шуудан” хөтөлбөр эхэллээ. Их хотын завгүй залууст зориулж буй энэ шинэлэг үйлчилгээ нь таны сэтгэлийн бэлгийг хүссэн газарт, хүссэн цаг хугацаанд тань хүргэж өгөх юм.
"Түгээмэл шуудан компани”-ийн тусгайлан бэлтгэсэн бэлгүүдээс та сонголт хийж мэргэжлийн шууданчдаар хүссэн газартаа хүргүүлхээс гадна тусгай хүргэлтийн багцын хүрээнд баярт агшинг мөнхлөх видео бичлэг хийлгэж, халуун дотно мэндчилгээгээ хүргээрэй.
Тус компанийн хамт олон бэлгийн багцуудыг өргөн сонголттойгоор бэлджээ. Хайрын амт Merci, самар ирис шоколадны төгс хослол тоффи набор, Хайр дурлалын хүндэтгэлийн бэлэгдэл сарнай цэцэгсийг Австрали дарстай хослуулан бүхий л насны бүсгүйчүүдэд зориулан тусгайлан баярын бэлгээр бэлэг барьж байгаа аж.
"Түгээмэл шуудан компани”-ийн хамт олон эмэгтэйчүүдийн баярыг угтаж урьдчилан захиалга өгсөн үйлчлүүлэгч нартаа үнэ төлбөргүй хүргэлтийн үйлчилгээ үзүүлэх юм. Баярын өдөр буюу гуравдугаар сарын 8-ны өдөр үйлчүүлбэл сонгосон бэлгийн багцны үнэ дээр энгийн хүргэлт 5000 төгрөг, хуваарьт хүргэлт 10000 төгрөг, тусгай хүргэлт бол 15000 төгрөгөөр нэмэгдэх юм.
Нэгэн хэвшмэл баярын бэлэгнээс татгалзаж, өвөрмөц, дахин хэзээч мартагдашгүй тийм гайхалтай мөчийг "Хайрын гүүр хайрын шуудан” бий болгох болно.
