.JPG)
Тухайн улс орны иргэд нь амар тайван амьдарч байна уу? Иргэн нь хэрхэн өсөн дэвжихээ мэдэж байна уу? Улс орны хөгжилдээ сэтгэл хангалуун байна уу? Аюулгүй байдалдаа итгэл дүүрэн үү? Иргэн нь ирээдүйдээ хэр итгэлтэй байна вэ? гэдгээр Үндэсний Аюулгүй Байдлыг хэмждэг тухай судлаачид өгүүлж байна.
Монголын Үндэсний Аюулгүй Байдлын Зөвлөлийн нарийн бичгийн дарга яг энэ асуудлаар салбар салбараас сонгосон мэргэжлийн шинжээчидтэй Иргэний танхимд санал солилцлоо.
"Шинэ өрөг, шинэ тоглолт" сэдвийн дор өрнөсөн уг хэлэлцүүлгийн хүрээнд ҮАБЗ -өөс шинээр боловсруулсан хийх ажлын нэгдсэн төлөвлөгөө, түүний үзэл баримтлалыг ҮАБЗ-ийн нарийн бичгийн дарга А.Гансүх дурдаж түүнийхээ хүрээнд шинжээчдийнхээ санал бодлыг сонсов.
Бие даасан зөвлөлийг гадаад хэргийн сайд асан Эрдэнэчулуун, Чойжамц хамба нарын 40 гаруй мэргэжлийн шинжээчдээс бүрдүүлсэн байна.
Шинжээчид иргэдийн өөр хоорондын харьцаанаас өгсүүлээд, төрийн бодлогоо хүртэл засаж залруулах асуудлыг сөхлөө.
Хамгийн гол нь иргэнээ "засах", хүний сэтгэлийг ч өөрчлөхөөс ч эхлэх ёстой гэдгийг ч зарим шинжээчид санал болголоо. Гаднын соёл, загварыг тал тохой татдаг, өөрийн өв соёлоо голдог үзлээс ангижруулахаас ажлаа эхэлье. Ангалд унах аюулаас Монголоо аврах нь хамгийн чухал гэдгийг шинжээчид онцоллоо. Үзэл баримтлалыг "эх оронч, үндэсний үзэл" гэж тогтсон байна.
