Хүүхэд харах үйлчилгээ 4 сарын 1-ээс хүүхдүүдээ албан ёсоор авч эхэлнэ. 2016 оны улсын төсөвт хүүхэд харах үйлчилгээнд зориулж 10.8 тэрбум төгрөгийг баталсан. Нэг хүүхдийг харахад гарах зардал сард дунджаар 116 мянга 900 төгрөг гэж тооцвол төсөвлөгдсөн мөнгөөр энэ жил 10 орчим мянган хүүхэд харах боломж бүрдээд байгаа юм.
Энэ төсвийн хүрээнд хүүхэд харах үйлчилгээнд хөдөө орон нутагт 4415, нийслэлд 5913, нийтдээ 10,328 хүүхэд хамруулах квотыг баталсан байна. Энэ дагуу хүүхэд харах үйлчилгээнд хүүхдээ хамруулах хүсэлтэй эцэг эхчүүд эхний ээлжид 4 сарын 1-ээс өмнө харъяа хороо, дүүргийнхээ ХГБХХ-ны нийгмийн ажилтанд хандан хүүхдээ хаана байрлаж байгаа, хүүхэд харах үйлчилгээний төвд өгөх боломжтойг асууж, үйлчилгээний төвийн багштай холбогдох дугаар болоод хаягийг нь аваарай. Үүний дараа та хүүхэд харах үйлчилгээний төвийн багштай шууд холбогдон хүүхдээ бүртгүүлж, өгөөрэй.
Хүүхдээ бүртгүүлэхдээ :
• Хүүхдийн төрсний гэрчилгээ, цээж зураг, аав ээжийн иргэний үнэмлэхийн хуулбар
• Цагаан хорхой, шээсний шинжилгээ өгсөн бичиг
• Унтлагын болон биеийн тамирын хувцас • Ариун цэврийн хэрэгсэл зэрэг зүйлсийг бэлтгэх юм.
Х. АЯЛГУУ