Бөхчүүд гэмтэл бэртэл авах их. Үүнийг Х.Баянмөнх, Б.Бат-Эрдэнэ аваргууд биеэрээ туулсан. Эмчилгээний шаардлагаар янз бүрийн эм тан хэрэглэх нь бий. Ямар эм хэрэглэж болох, ямар нэр төрлийн эм хэрэлэж болохгүй талаар нэгдсэн мэдээлэл гараагүй. Ийм мэдээллээр бөхчүүдийг хангаагүй учраас допингийн асуудлаар бөхчүүдийн эрхийг хасах нь шударга бус юм. Ө.Бат-Орших гарьдын хувьд арслан, аваргын энтэй барилддаг гарьд. Наадамд түрүүлэх бөхчүүдийн тоонд ордог сайн бөх.
Харцага Э.Даш ч заан цолноос дээш амжилт үзүүлэх бөх. Тохой мултарсан. Тэрээр сайн эм хайсан, сурсан. Хятадад үйлдвэрлэсэн үе мөчний сайн эм олж, эмчийн зөвлөлгөөний дагуу, допингийн шинжилгээнээс сарын өмнө ууж эхэлсэн. Үр дүн маш сайтай байсан гэж харцага Э.Даш тайлбарладаг. Тэрбээр хэрэглэсэн эм, тариагаа допингийн төрлийн эм тарианд хамрагддаг гэдгийг мэдээгүй. Мөн холбооноос ч урьдчилан мэдэгдэж, анхааруулаагүй. Мэдээллийг урьдчилан хангалттай өгсөн бол бөхчүүд бид ингэж хохирохгүй. Арай л шударга бус шийдвэр гэж Бөхийн холбооны шийдвэрийг эсэргүүцэж буйгаа илэрхийллээ.
Д.НЯМАА
