Монгол улс жендэрийн тэгш бус байдлаар дэлхийд 159 орноос 53-т жагсаж байгаа хэдий ч олон Монгол эмэгтэйчүүд хөдөлмөр эрхлэх, ажилд орох боломж нөхцөлүүдийг хязгаарласан, саад бэрхшээлтэй тулгарсан байна гэж Дэлхийн банкны шинэ судалгаанд тэмдэглэжээ.
- Манай улсад эрэгтэйчүүдтэй харьцуулахад эмэгтэйчүүдийн боловсролын түвшин харьцангуй өндөр байдаг хэдий ч эмэгтэйчүүд олж авсан боловсролыг ашиглаж хөдөлмөрийн зах зээлд идэвхитэй оролцох боломжоор харьцангуй дутмаг байгааг тайланд онцолжээ.
- Мөн эмэгтэйчүүдийн олонх нь ялангуяа хөдөө орон нутагт, баталгаагүй албан бус салбарт болон цалин хөлсгүй өрх гэрийн ажлуудыг хийж, эрэгтэйчүүдтэй харьцуулахад бизнесийн салбарт эмэгтэйчүүдийн оролцоо хавьгүй доогуур байна.
- Монголд ажил эрхэлж буй эмэгтэйчүүдийн дундаж цалин ажил эрхэлж буй эрэгтэйчүүдийнхээс 15 хувиар доогуур байна.
- Хүүхдээ харахын тулд ажил хийхгүй байгаа гэсэн шалтгааныг эрэгтэйчүүдтэй харьцуулахад эмэгтэйчүүд 15 дахин олон удаа хэлж байна.
- Эмэгтэй хүн амьдралынхаа дийлэнх хэсгийг эр нөхрөө дэмжих туслах, үр хүүхдээ өсгөж хүмүүжүүлэхэд зориулах ёстой гэсэн нийгмийн хүлээлт байсаар л байна.
Эдгээр хүндрэл бэрхшээлүүдийг засч залруулахын тулд жендэрт суурилсан хүндрэлтэй асуудлуудад чиглэсэн хууль эрх зүйн бодлогын орчинг сайжруулах, нийт хүн амын дундах жендэрийн хэм хэмжээ, хандлагад нөлөөлөх урт хугацааны арга хэмжээнүүд шаардлагатай байгааг тэд зөвлөж байна.
С.ШҮРЭНЧИМЭГ
Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү.
Хэм хэмжээг зөрчсөн сэтгэгдлийг админ устгах эрхтэй.
Сэтгэгдэлтэй холбоотой санал гомдлыг 77008912 утсаар хүлээн авна
