Ирландын тулаанч, Конор Макрегор Нью-Йоркийн Бруклин дүүрэгт үймээн тарьжээ. Энд UFC 223 тулааны талаарх хэвлэлийн бага хурал болсон бөгөөд үүний дараа тамирчид зочид буудал руу буцах үед К.Макрегор ОХУ-ын тулаанч Хабиб Нурмагомедовын сууж явсан автобус руу халдсан юм.
Хабиб Нурмагомедов хоёр хоногийн өмнө байрлаж байсан буудалдаа орос гаралтай ирланд тулаанч, Конор Макрегорын бэлтгэл хангагч, дотны найз Артем Лобовтой муудалцсан. Үүнээс болж, Конор орос тулаанч руу дайрсан аж.
Лобов Оросын хэвлэлд өгсөн ярилцлагадаа Хабибыг тулаанч биш гэж онцолсон нь тэдний муудалцах шалтгаан болсон байна. Хабиб Нурмагомедов тун удахгүй Макс Холловэйтэй тулалдах бол Артем Лобов энэ тулааны өмнөхөн Алекс Касерестэй тулалдах байсан ч энэ үйл явдлаас болж хасагджээ.
Үймээний үеэр автобусны цонх хагарч, үүний улмаас бямба гаригийн тулаанаас Майкл Чеса толгойндоо гэмтэл авч хасагдсан юм. Тэрээр өнөөдрийг хүртэл эмнэлэгт байгаа юм.
Д.НЯМАА
