Бөхийн холбоо, Бөхийн өргөөг тойрсон хэрүүл маргаан тэмцэл тулаандаа хүрсэн тул Монголын төр Бөхийн өргөөг өөрийн эзэмшилдээ түр авсан тухай албан ёсны эх сурвалж мэдээлж байна. Бөхийн өргөөнөөс маргалдагч аль аль талын төлөөллийг гаргаж, тусгай хамгаалалтанд өнөөдөр авсан байна.
Маргалдагч талууд гэрээ хэлцлийн ширээний ард сууж, асуудлаа нэг мөр шийдэж, нэгдсэн нэг шийдвэр гаргасан тохиолдолд Бөхийн өргөөг буцааж Бөхийн холбоонд олгох юм байна. Бөхийн өргөөнд тоглолт хийж болохгүй гэсэн шийдвэрийг Мэргэжлийн хяналтын газраас гаргасан тул цаашид тоглолт хийх асуудал нэгмөсөн зогсох тал руугаа хазайжээ.
Ц.ХИШГЭЭ
