Шатахуун эрхлэгчдийн холбооноос өнөөдөр хуурамч шатахуун, тэр дундаа керосин, нафта зэрэг нэмэлт бүтээгдэхүүнийг жилд дунджаар 100 мянга гаруй тонныг оруулж ирдэг талаар мэдээлэл хийлээ. Эдгээр нэмэлт бүтээгдэхүүн их хэмжээгээр орж ирж байгаа нь хуурамч шатахуун үйлдвэрлэхэд нөлөөлж байна. Мөн яг ийм төрлийн шатахууныг Багахангай дүүрэг болон, Мааньтад нэр нь үл мэдэгдэх шатахуун түгээх станцид борлуулж байгааг ч онцоллоо. Уг шатахуун түгээх станци 2 жил орчмын өмнөөс хуурамч шатахуун борлуулалтыг хийж байгаа бөгөөд 1400-1500 төгрөгөөр дизель түлшийг борлуулдаг байна. Иймээс тэд Ерөнхий сайд У.Хүрэлсүхэд болон Сангийн сайд Ч.Хүрэлбаатар, Гаалийн ерөнхий газрын дарга Б.Асралт нарт шаардлага хүргүүллээ.