.JPG)
Монгол улсын нэг хүнд ногдох гадаад дотоодын өр дунджаар 3000 гаран ам.доллар хүрч байгаа талаар Азийн хөгжлийн банкнаас нийтэлсэн эдийн засгийн тайланд дурджээ. Олон улсын валютын сангаас 2015 оны 4 дүгээр сард өрийн хямралд орох эрсдэл өндөр байгааг сануулсаар байтал өнөөдөр нэгэнт ийм байдалд хүрээд байна. Өөрөөр хэлбэл манай улсын өр ДНБ-ний 77.4 хувьд хүрээд байгаа юм. Энэ нь Монгол банкны гадаад өрийг оруулж тооцсон дүн юм. 2010 онд манай улсын өр ДНБ-ний 31 хувь байсан бөгөөд үүнээс хойш хоёр дахин нэмэгджээ. Нийт өрийн 85 хувь нь гадаад өр, 15 хувь нь дотоод өр болохыг Азийн хөгжлийн банкны Монгол улс дахь суурин төлөөлөгчийн газрын эдийн засагч Л.Амар мэдээлжээ. Тэр хэлэхдээ "ам.доллараар тооцоход 2012 оноос буурч байгаа ч өрийн хэмжээ нэмэгдэж байна. 2010 онтой харьцуулахад гадаад өрийн хэмжээ өссөн. Дунджаар нэг хүнд 3000 гаруй ам.доллар ногдож байна" гэв.
