"Эрдэнэс Таван Толгой" ХК-ийн нийт ажилчдын хүүхдүүдийн дунд зарласан "Миний аз жаргалтай гэр бүл" гар зураг, зохион бичлэгийн уралдаанд бүтээлээрээ тэргүүн байр, шагналт байр эзэлсэн хүүхдүүдийг Эрдэнэс Таван Толгой ХК-ийн гүйцэтгэх захирал Б.Ганхуяг, бусад удирдлагын хамт хүлээн авч шагнал гардууллаа.
Түрүүлсэн болон эхний 5 байрт шалгарсан 10 хүүхдийг Найрамдал зусланд амрах эрхийн бичиг, үлдсэн оролцогч 24 хүүхдэд дурсгалын зүйл гардуулж баяр хүргэлээ. Зохион бичлэгийн уралдаанд Б.Тэмүүлэн, гар зургийн уралдаанд А.Номин нарын 10 хүүхэд тэргүүлсэн байна.
Эрдэнэс Таван Толгой ХК-ийн гүйцэтгэх захирал Б.Ганхуяг хэлэхдээ "Аав, ээж, ах эгчийнхээ ажилладаг "Эрдэнэс Таван Толгой ХК-иас зарласан гар зураг, зохион бичлэгийн "Миний гэр бүл' уралдаанд оролцсон хүүхэд багачууд та бүхэндээ баярлалаа. Уралдаанд оролцсон нийт хүүхдүүддээ баяр хүргэе. Сайн зураач, алдартай зохиолч болоорой" гэж ерөөлөө.
Ц.ХИШГЭЭ