АСЕМ-д зориулан БНСУ-ын “Эксим” банкны хөнгөлөлттэй зээлээр “Хьюндай” компаниас 50 автобус авахаар болсон. “Экзим” банкнаас 5.5 сая ам.долларын зээл авч байгаа бөгөөд анх 50 автобус авахаар төлөвлөж байсан ч 43-г авахаар болжээ. “Хьюндай” компани автобуснуудыг туулах чадвар сайтай, хямд өртөгтэй, 45 хүний суудалтай, Монгол орны цаг агаарын нөхцөлд тохируулан үйлдвэрлэж байгаа юм байна.
Автобусыг АСЕМ болохоос нэг сарын өмнө оруулж ирэх бөгөөд хадгалж хамгаалах, жолооч нарыг сургах, зочдод үйлчлэх ажлыг Автотээврийн үндэсний төв хариуцахаар болжээ.
Эдгээр автобусыг АСЕМ-д зориулан авч буй ч цаашид “Улс болон хот хоорондын нийтийн тээвэр"-ийг хөгжүүлэх төслийн хүрээнд улс, хот хоорондын нийтийн зорчигч тээврийн автобусны парк шинэчлэлтэд зориулах юм байна.
А.САЯН
