Бөхчүүд хэл амаа ололцохоо больсон бололтой. Аль аль тал нь буулт хийлээ гэх мэдээлэл тарах боловч, амьдрал дээрээ " тулсан " хэвээр. Бөхийн өргөөнд төлөвлөгдсөн олон барилдаан, уран бүтээлчдийн тоглолт тасрав. Түүний хариуцлагыг хэнээс нэхэхээ ч мэдэхээ больжээ. Ерөнхийлөгчийн ТГ-ын дарга З.Энхболд хэрүүл, маргаанаа зогсоож, эвлэрч чадахгүй бол Бөхийн Өргөөг улсын өмчид эргүүлэн татна гэдгээ ч мэдэгдсэн.
.jpg)
Түүнээс хойш 1 сарын хугацаа өнгөрсөн ч, эвлэрсэн, эвлэрэх шинж тэмдэг алга. Аргаа барсан бөхчүүд Хөвсгөл аймгаас төрсөн Цэвээнравдан, Дамдин, Бээжин аваргад хүндэтгэл үзүүлэх хүчит 128 бөхийн барилдааныг Спортын ордонд хийлээ. Суудал цөөн, шаландаа дэвссэн хивсэнцэр нь жижигдсэн зэрэг нь асуудал дагууллаа. Наадам болоход нэг сар гарны л хугацаа үлдлээ.Бөхийн өргөөгөө ингэж дангинатал цоожлоод байж боломгүй.
Э.ЖАРГАЛ
