Наранбаатар гэдэг нэг ийм залуу байдаг. Идэвхтэй, нийгмийн оролцоотой байхыг хичээдэг. Бизнесийн, тэр дундаа уул уурхайтай холбоо бүхий төрөл бүрийн үйл ажиллагаа зохион байгуулдаг. Ардчилсан Намын Дархан уул аймаг дахь салбарын даргаар нэг хэсэг ажилласан. Сүүлд нь хэрүүл маргаан, шүүх цагдаа болж байж ажлаа өгсөн. Үргэлж костюм өмсөж, зангиа зүүсэн явдаг ийм нэг даруухан залуу харагддаг байлаа. Эдийн засгийн форум дээр УИХ-ын дарга руу оймсоо ч гэнэ үү, бээлийгээ ч гэнэ үү, шидэхийг завдсан мэдээ сошиалаар шуугисан.
Наранбаатар гэдэг нэр сонссоод, түүнийг гэж хэн ч бодоогүй. Бүтэлгүй бизнес, бүтэлгүй улс төрийн карьер түүнийг ийм үйлдэлд түлхэв үү л гэж харж байна. Зориуд, анхаарал татья ч гэж бодсон байх. Одоо чинь нэг тийм моод дэлгэрсэн. Хэн ч биш нэгэнтэй ноцолдсоноос, томхоныг барьж аваад ноолох гэж.
Баасанхүү энэ тал дээр эрчимтэй ажиллаж байгаа. Утасдвал ерөнхийлөгч рүү, ноцвол ерөнхий сайд руу. Үлдсэн рүү нь Наранбаатар ийнхүү довтолжээ. Улс төрийн довтолгоо бол Энхболд мөн байх. Харин эдийн засагтай холбоотой бол байгаа оносонгүй. Нээлтэн дээр нь ерөнхий сайд руу довтлох байсан юм биш үү гэж бодогдлоо.
Хавар болжээ,монголчууд аа.
Э.ЦЭНД