Тулгар төр байгуулагдсаны 2227, Их монгол улс байгуулагдсаны 812, Ардын хувьсгалын 97 жилийн үндэсний их баяр нааадмын хурдан морины хязаалан насны уралдаанаар эхэллээ. Хязаалан насны уралдаан өглөөний 09:30 цагаас гарааны зурхайгаас хөдөлж 11:00 цагт бариаллаа. Хязаалан насны морьдын уралдаанд нийт 345 үрээ бүртгүүлснээс үүлдэрлэг байдал болон шүдлэгээр тэнцээгүй 79 үрээг хасч 266 үрээ шандас сорилоо. 18 км замд уралдсан хязаалан насыг Дорнод аймгийн Чойбалсан сумын харьяат уяач, УИХ-ын гишүүн асан Х.Болорчулууны зээрд үрээ өнгөлж, Булган аймгийн гурванбулаг сумын харьяат, тод манлай уяач Дамбын Хишигжаргалын зээрд үрээ аман хүзүүдлээ.
Харин айргийн 3-т, Говь-Алтай аймгийн Цогт сумын уяач З.Шижирбатын бор үрээ хурдалж, Увс аймгийн Тэс сумын уяач Ц.Дамдин-Ядамын цоохор үрээ, Төв аймгийн Баян сумын уяач Б.Нямжавын халтар үрээ тус тус айргийн 4, 5-аар хурдалллаа.
Тод манлай уяач Д.Хишигжаргал улсын баяр наадамд 3 удаа хязаалан айрагдуулжээ.
Б.ХУЛАН