Ерөнхий сайд Ч.Сайханбилэг үйл ажиллагаагаараа бусдыгаа тэргүүлсэн аймгуудын шагналыг Төрийн ордонд гардууллаа. Аймаг, нийслэлийн Засаг дарга, түүний Тамгын газрын 2015 оны үйл ажиллагааг бодлогын зорилт, байгууллагын чиг үүргийн хэрэгжилт, байгууллагын нээлттэй байдал, үйл ажиллагааны үр дагаврын үнэлгээ гэсэн дөрвөн бүлэг 11 багц асуудлын хүрээнд үнэлснээс Нийслэлийн Засаг даргын Тамгын газар болон Орхон, Сүхбаатар, Булган, Архангай, Говь-Алтай аймгийн Засаг даргын Тамгын газар тэргүүлжээ.
2015 үйл ажиллагааны үр дүнгээр өндөр үнэлгээ авч, тэргүүлсэн нийслэл болон Орхон, Сүхбаатар, Булган, Архангай, Говь-Алтай аймгийн Засаг даргын Тамгын газрыг тус бүр 10 сая төгрөгөөр шагнасан бол Засаг даргын Тамгын газрын дарга нарт нэг сарын цалинтай тэнцэх хэмжээний мөнгөн урамшуулал олгох батламжийг гардуулсан юм.
А. САЯН
