Монголын залуучуудын холбооноос энэ сарын 7-нд "Гуталтай жагсаал"-ыг Чингисийн талбайд зохион байгуулахаар болжээ. Жагсаал хүн бүрт нээлттэй бөгөөд тус жагсаалд очихдоо нэг илүү гутлаа сугавчлаад очиход л болох нь. Хэрвээ та ажлаа хийгээд, хичээлдээ суугаад завгүй байсан ч гутлаа илгээгээд үзэл бодлоо илэрхийлэх боломжтой аж. Ингэхдээ бэлдсэн цаасан дээр өөрийнхөө хэлэх гэсэн зүйлийг бичиж, байрлуулах ёстой юм байна. Ингээд гутал тань таныг төлөөлж жагсаалд оролцох гэнэ. "Гутлын жагсаал"-ын үеэр ковер дуучид ая дуугаа өргөж, зураачид зураг зуран үзэл бодлоо илэрхийлэх юм байна.
А.САЯН