Дархан-Уул аймаг дахь зэвсэгт хүчний 330 дугаар ангийн 2 ахлагч дэлбэрэлтэд өртөж, биеийн байдал нь хүндхэн БХХСАХТЭ-т эмчлүүлж байна. Тэд юунаас болж дэлбэрэлтэд өртсөн, биеийн байдал нь ямархуу байгаа талаар албан ёсны мэдээ алга. ЗХЖШ-аас энэ талаарх мэдээллийг нууцлахыг үүрэгдсэн талаар ойрын эх сурвалжууд хэлж байна. Тэдний хэлж буйгаар тус ангийн барилгын засварын танхимд зэв болсон бөөрөнхий төмөр хэвтэж байсан бөгөөд түүнийг ахлагч нар сонирхож, барьж үзсэнээс болж дэлбэрчээ. Одоогоор хоёр ахлагчийн биеийн байдал тааруу байгаа бөгөөд гар, нүүр, цээж хэсэгтээ хүнд гэмтэл авсан байна.
А.САЯН
