Монголын хэрэглэгчдийн эрх ашгийг хамгаалах нийгэмлэгүүдийн нэгдсэн холбооноос шатахууны үнийн асуудал болон хорт хавдрын өвчлөлийн талаар мэдээлэл хийлээ.
ШӨХТГ-аас гуравдугаар сарын 24-ний өдөр мэдэгдэл хийж шатахууны үнийг 100 хүртэл төгрөгөөр бууруулах боломжтой хэмээн мэдэгдсэн. Харин Газрын тосны газраас шатахууны үнэ тэгж буурах боломжгүйг хэлж буй юм. Тиймээс иргэд, хэрэглэгчдийн дунд шатахууны үнэ буурах байх гэсэн хүлээлт үүсээд байгаа учир Монголын хэрэглэгчдийн эрх ашгийг хамгаалах нийгэмлэг зөвшилцөх уулзалт зохион байгуулахаар болжээ. Уулзалтад маргааш буюу дөрөвдүгээр сарын 6-нд Хууль зүйн үндэсний хүрээлэнгийн хурлын зааланд болох юм байна. Уулзалтад газрын тосны бүтээгдэхүүн импортлогч томоохон компаниуд, ШӨХТГ, Газрын тосны газар гээд холбогдох байгууллагуудыг урьж, албан бичгийг хүргүүлсэн талаар мэдээллээ.
Мөн тэд хорт хавдрын өвчлөлийг бууруулах талаар төрөөс дорвитой ажил хийхгүй байгааг онцлоод, төрийн гурван өндөрлөгт хандан ил захидал илгээж, Уг асуудлыг яаралтай шийдвэрлэж өгөхийг хүслээ.
А. САЯН