Алдарт эхийн одонтой 2000 гаруй ээжийн төлөөлөл болж ирсэн хүн судлаач А.Мягмарсүрэн “Ээжүүдийн бослого-Оюуны хувьсгал” эхлүүлэх талаар өнөөдөр мэдээлэл хийлээ. Тэрээр хэлэхдээ “Нийгэмд үлгэрлэл, манлайлал зөв зүйл байхаа больжээ. Тиймээс бид “Ээжүүдийн бослого-Оюуны хувьсгал” эхлүүлэхээр шийдлээ. Гэхдээ буу шийдэм бариад гарахгүй оюуны хувьсгал байх болно. Бид хүүхдээ зөв зохистой зүйлд сургахыг хүсэж байхад нийгмийн орчин, сургууль цэцэрлэгт очоод л болохгүй бүтэхгүй болгоныг сураад ирдэг. Багш нар хүүхдийг хүн шиг хүн болгочихоод ажил хаяна гэвэл бид дэмжинэ. Эсвэл тэр цалинг нь эцэг эхчүүд нийлээд өгч болно ш дээ.
Нийгэмд ямар ч үлгэрлэл, манлайлал алга. Тийм учраас ээжүүд бид оюун ухаанаар манлайлж, бослого гаргахаар зорилоо. Бид мэдлэг мэдээлэл хангалттай авч байгаа мөртлөө сэтгэлийн боловсрол гэдэг зүйл алга. Ээжүүд маань 9 дүгээр сарын 1-н болох гэж байгаа тул ирж амжсангүй. Харин бид удахгүй 81 ээжийн сүүн цацал өргөн, залбирал хийнэ. Одоогоор бидний оюуны хувьсгалд 4-10 хүүхэд төрүүлсэн ээжүүд нэгдсэн байна. Бид ганцхан боловсрол ярихгүй. Уул уурхай, газар шороо, монгол нутгаа ч хамгаална. Бид Аспайр майнинг гэдэг команитай хатуухан тэмцсэн. Газар нутаг амьдрахуйгаа, үр үндсээ хайрлаж байж оршин тогтнох болно. Цаашлаад олон салбарт тэмцлээ хийнэ” гэлээ.
Б.ХУЛАН