Засгийн газраас эмч, багш нарын цалин хөлсийг тодорхой хувиар нэмэгдүүлэх шийдвэр гаргасан. Гэвч багш нарт уг шийдвэр нь тэгтлээ таалагдахгүй байна хэмээн мэдэгдэж, илүү нэмэх ёстой гэсэн асуудлыг тавьж эхэлсэн юм. Энэ асуудлаар өчигдөрхөн салбарын сайдтай зөвшилцөлд хүрээд байсан. Гэтэл 24 цаг ч хүрээгүй байхад багш нарын үйлдвэрчний эвлэлээс ажил хаялтыг нөгөөдрөөс буюу 9 сарын 3-наас эхлүүлнэ гэдгээ зарлалаа. Тэрээр энэ удаагийн ажил хаялтад төсөвт тусгагдсан 56.6 тэрбум төгрөг болох 300 мянган төгрөгийн мөнгөн урамшууллыг 9 дүгээр сард багтаан олгох, улсын төсөвт тодотгол хийх замаар багш, ажилтнуудын үндсэн цалинг энэ сарын 1-нээс 15 хувиар нэмэгдүүлэх, ажил хаялтын үеийн үүрэг хариуцлагыг ажил олгогчид хүлээж, цалин хөлсийг бүрэн олгохыг шаардаад байгаа юм.
Ажил хаялтад ерөнхий боловсролын 70 гаруй сургууль, 26 орчим хүүхдийн цэцэрлэг ҮЭ-ийн гишүүд орон даяар нэгдэнэ гэж Монголын боловсрол, шинжлэх ухааны ҮЭ-ийн холбооны дарга Ж.Батзориг өнөөдөр хийсэн хэвлэлийн бага хурлын үеэр сэтгүүлчдэд мэдээллээ.
Багш нар жил бүр ажил хаяна гэж шантаажлах, сүрдүүлэхийн хооронд гурав дахь жилийнхээ намартай золгож байна. Энэ нь нэг талаасаа багш нарыг хэт даварсан харагдуулж байгааг зарим иргэд ундуйцаж хүлээж авч байгаа юм.
Б.ХУЛАН