АШУҮИС-ийн Хангамж үйлчилгээний газрын дарга асан Ц.Батхуяг Авлигатай тэмцэх газарт хандлаа. Учир нь тус сургуулийн захирлын үүрэг гүйцэтгэгч Ж.Цолмон ажлаа авсныхаа дараа түүнийг болон хамт олон, хуучин захирлыг нь тендер будилаантуулсан, улсын мөнгө зувчуулсан гэх худал мэдээллийг цацсан тул энэ хэргийг шалгаж өгөхийг хүсэн АТГ-т хандаж байгаа аж.
Өнгөрсөн сард Ц.Цогзолмаа сайдын томилгоогоор АШУҮС-ийн сургуульд Ж.Цолмон гэх эмэгтэй хүн захирлын үүргийг түр орлон гүйцэтгэгч болсон билээ. Үүнийг эсэргүүцэж тус сургуулийн нээлтэн дээр хэсэг багш нар эсэргүүцлээ илэрхийлж, бичигт самбар барин тэмцээд байсан юм. Учир юу вэ гээвл Ж.Цолмон захирал болсныхоо дараа хуучин ажиллаж байсан сургуулийн хамт олныг мөн хуучин захирлыг мөнгө зувчуулж, улсад их хэмжээний хохирол учруулсан, тендер будлиантуулж, компаниудад давуу эрх олгосон гэж олон нийтийн сүлжээ, мэдээллийн хэрэгслээр цацсан байна. Үүнийг шалгаж өгөхийг тус сургуулийн Хангамж үйлчилгээний газрын дарга асан Ц.Батхуяг АТГ-аас хүсч байна. Тэрээр “Гүтгэлэг улам нэмэгдэж байна. Тиймээс миний болон хамт олны маань нэр хүндийг сэргээж өгнө үү хэмээн хандаж байна. Бидэнд тендэр будилаантуулах ямар ч боломж байхгүй, бүгд цахимжсан. Хэрэв би гэм буруугүй нь тогтоогдвол энэ хүмүүс ажлаа өгөх байх.
Өчигдөр З.Энхболдоос АШУҮИС-той холбоотой үүсээд байгаа асуудлыг энэ есдүгээр сард багтаан хуулийн дагуу шийдвэрлэх чиглэл ирсэн. Тиймээс энэ есдүгээр сардаа багтаан эцэслэх болов уу гэж бодож байна” гэсэн юм.
ХҮМҮҮСИЙГ АЖЛАА ӨГӨХИЙГ ШААРДСАН
Түүнчлэн АШУҮИС-д халаа сэлгээ ч их байгаа талаар хэлсэн юм. Өчигдөр л гэхэд хоёр хүнийг ажлаа өгөхийг шаардсан тухай хэллээ. Энэ талаараа “Өчигдрөөс эхлээд халаа сэлгээ захирлууд руу орж байна. Би бодохдоо энд том ашиг сонирхол байна гэж үзэж байна. Намын томилгоогоор ирсэн хүн багаа бүрдүүлэх нь дамжиггүй. Дүрэм журам гэж бий, аливаа албан тушаалыг сонгон шалгаруулалтаар томилдог. Намын томилгоо мэтээр ажиллаж байна. Ингэж болохгүй. Үүний цаана маш том ашиг сонирхол байна. 35 метр квадрат сургуулийн цогцолбор баригдаж байна. Үүнийг тэд мөнгө гэж харж байна" гэсэн юм.
Б.ХУЛАН