"Мөрөөдлийн театр”-ын хамт олны намар цагийн нээлт болох “Дундын бүсгүй” +18 шоу драм үзэгчдийн хүртээл болоход ердөө 5хан цаг үлдлээ. Үзэгч та нэг жүжгийн тасалбараар хоёр жүжиг үзээд зогсохгүй нэг тайзнаа олон дүрийг харах боломжтой.
“Дундын бүсгүй” жүжгийн найруулагчаар Төрийн соёрхолт Н.Наранбаатар ажиллаж, бүжиг дэглээчээр СТА Ган-Очир тус тус ажилласан бол “Ичгүүргүй хос” жүжгийг МУУГЗ Н.Ганхуягийн орчуулснаар тайзнаа тоглогдох гэж байгаа аж.
Тус хоёр жүжиг нь Швед болон Оросын зохиол бөгөөд монголын нийгмийн болж бүтэхгүй байгаа зүйлийг хөндсөн учраас цаг үеэ мэдэрсэн уран бүтээл боллоо хэмээн уран бүтээлчид үзэж байгаа аж.
Мөрөөдлийн театрынхан “Хүн алж тоглосон залуус” хэмээх нэртэй 1960 онд бичигдсэн зохиолоос сэдэвлэн уг жүжгийг тавьж байгаа юм байна. Урилгаар жүжигчин Ц.Алдармаа, А.Туяа нар тоглох юм байна. “Дундын бүсгүй” +18 шоу драм нь 18-аас дээш насныханд зориулсан бүтээл юм. Тоглолт 19.00 цагт МҮЭСТО-нд яг цагтаа эхэлнэ.
Б.ХУЛАН
